မျက်စိပါဝါ ဆေးနဲ့ချခြင်း

ဆရာ ကျန်တော်မျက်စိက ပါဝါ ၁၅၀ရှိပါတယ်။ ဘယ်ဖက်က ၁၂၅ပါ။မနေ့က မျက်စိသွားစမ်းတော့ ပါဝါနဲနဲတက်တယ်ပြောပါတယ်။ အစိတ်တက်သွားပြီတဲ့။အဲဒါမျက်မှန်ထပ်လုပ်ရမယ်ဆိုလို့လုပ်ခဲ့ပါတယ်။ သိချင်တာက မျက်စိပါဝါက ဒီလိုဘဲအမြဲတက်နေမှာလား။ မတက်အောင်ဘာလုပ်ရမလဲ ။ဆောင်ရန်၊ရှောင်ရန်သာမက ဘယ်လိုမျက်စိအားဆေးမျိုးသောက်ရမလဲ။ကျွန်တော်အသက်က အခုမှ ၁၉နှစ်ပဲ ရှိပါတယ်။ GTCတက်နေတာပါ။ကွန်ပျူတာတော့ နှိပ်ဖြစ်ပါတယ်။ မျက်စိပါဝါကျအောင် ဘာလုပ်သင့်လဲ ဖြေကြားပေးပါခင်ဗျာ။

(မျက်စိအဖြေစာရွက်ကိုပါ ပူးတွဲပေးပို့လိုက်ပါတယ်။)

လေးစားစွာဖြင့်

_ညီညီလင်း

ဟုတ်ကဲ့ ကို_ရေ။ စာရွက်ပါပူးတွဲ ပို့ပေးတဲ့အတွက် ပိုအဆင်ပြေပါတယ်။ အရင်ဆုံးဝန်ခံလိုတာတစ်ခုက ကျွန်တော်က မျက်စိဆရာဝန်တစ်ယောက် မဟုတ်ပါဘူး။ ကျွမ်းကျင်ပညာရှင်မဟုတ်လို့ အကြံလောက်ပဲပေးနိုင်ပါမယ်။ 

စာရွက်ထဲမှာ ODကော၊OSကောမှာ -1.50လို့ ရေးထားတာကြောင့် နှစ်ဖက်လုံးဟာ ပါဝါ၁၅၀ဆီ ညီတူရှိတယ်လို့ သိရပါတယ်။ ဒါ့ကြောင့် ပါဝါတက်တာက ဘယ်ဖက်တစ်ဖက်ထဲပိုတက်လာတာပါ။ အရင်က ဘယ်ဖက် ၁၂၅ပဲရှိတယ်ဆိုလို့ အခုအစိတ်လောက် တက်လာပါတယ်။ စလင်ဒါ မပါဘူး။ အနှုတ်သကေတက အဝေးမှုန်တဲ့ သဘောကို ဆောင်ပါတယ်။ short sightednessအနီးမြင်ပြီး အဝေးမှုန်တဲ့သဘောကို ဆိုလိုတယ်။ ဆေးပညာလိုတော့ myopiaလို့ ခေါ်ပါတယ်။ ပါဝါတက်တယ်ဆိုတာ မျက်စိကြွက်သားတွေ အလုပ်လုပ်ပုံ မမှန်တာ၊မညီမျှတာနဲ့ သက်ဆိုင်တတ်တယ်။ ငယ်ရွယ်စဉ်အာရုံစိုက်ရတဲ့အလုပ်လုပ်သူတွေဟာ ပါဝါတက်ကြတယ်။ မျက်စိဆိုတာ ပြောရခက်ပါတယ်။ တခါတရံလည်း လပိုင်းလောက်ခြားပြီး ၁၀၀၊၂၀၀လောက် တက်တာမျိုးလည်း ရှိတတ်တယ်။ ထူးဆန်းတာတခုက ငယ်ရွယ်စဉ်အဝေးမှုန်ပေမယ့် တချို့ဟာ အသက်၄၀ကျော်လောက်မှာ အနီးမှုန်ပြီး အဝေးပြန်မြင်ကြတယ်။ တချို့က ကံကောင်းတဲ့မျိုးရိုးဗီဇရှိတယ်။ မိဘ၊အဖိုးအဘွားက မျက်မှန်မတပ်ရရင် ကလေးတွေလည်း မျက်မှန်မတပ်ရဘူး။ဂိမ်းဘယ်လောက်ဆော့ဆော့၊စာဖတ်ဖတ် မျက်မှန်မတက်ရသူတွေလည်းရှိလို့ ပြောရတော့ခက်ပါတယ်။ အကြံတောင်းတဲ့ထဲမှာ ပါဝါမတက်အောင် ဘယ်လိုနေရမလဲဆိုတာ ပါပါတယ်။ အကောင်းဆုံးက အာရုံစိုက်ရတဲ့အလုပ်မှန်သမျှ နားထားပါ။ ကွန်ပျူတာနှိပ်တာ၊ဂိမ်းဆော့၊အခွေကြည့်တာ ရှောင်ထားပါ။ ကြည့်မိရင် မျက်စိကို ၁၅မိနစ်တိုင်း ၅မိနစ်လောက် နားပေးပါ။ တချိုက စိမ်းတဲ့သစ်ပင်တွေ ကြည့်ပါလို့ဆိုပါတယ်။ မြို့ပြတွေမှာ ဒီလိုအရာတွေရှားသွားပြီဖြစ်လို့ လက်တွေ့တော့ သိပ်မကျဘူး။ စိမ်းတဲ့အရွက်မှာပါတဲ့ ကလိုရိုဖီးလ်က အမြင်အားကောင်းစေတယ်။ ဒါ့ကြောင့် စိမ်းတဲ့အသီးအရွက်များများစားသင့်တယ်။ ဝါတဲ့၊နီတဲ့ သစ်သီးတွေမှာ မျက်စိအားကောင်းစေတဲ့ဓာတ်တွေပါဝင်လို့ စားပေးသင့်တယ်။ မျက်စိအားဆေးဆိုတာတော့ မျိုးစုံရှိပါတယ်။ ii careတို့၊ optica ၊opticomeစသည်ဖြင့် မျိုးစုံရှိကြတယ်။ ဆေးကြောင့် သိပ်အကျိုးထူးတာမျိုးတော့ မတွေ့ရဘူး။ သို့သော် ကွန်ပျူတာနှိပ်နေရင်တော့သောက်တာ မမှားလောက်ပါဘူး။ အာရုံကြောဆေး betex(သို့)neurobionအပြာကဒ် သောက်ပေးနိုင်တယ်။ မျက်စိပါဝါကျအောင် လုပ်တဲ့နည်းတွေရှိတယ်ဆိုပေမယ့် သိပ္ပံနည်းကျ သက်သေပြနိုင်တာမျိုး မတွေ့ရသေးဘူး။ အဓိကက မျက်စိလေ့ကျင့်ခန်းလုပ်ခိုင်းတာပါ။ တချို့ကလည်း မျက်ရိုးကိုနှိပ်ခိုင်းတယ်။ ယောဂကျင့်ဆိုသူလည်း ရှိတယ်။ အပ်စိုက်ကုထုံးတွေလည်း ရှိပေမယ့် မသေချာပါဘူး။ သေချာတာက အာရုံစိုက်တာရှောင်ကြဉ်ပြီး ကံကောင်းရင် မျက်စိပါဝါကျသွားပါတယ်။ ရှိတော့ရှိတယ် ရှားတယ်ပေါ့။ မျက်စိပါဝါရှိရင် ၆လတခါလောက် ပြန်စစ်နေသင့်တယ်။ ဘာ့ကြောင့်လဲဆိုတော့ ဆေးခန်းကို နာတာရှည် မျက်ရိုး၊ခေါင်းကိုက်ပြီး ရောက်လာတဲ့လူငယ်အများစုဟာ ပါဝါတက်နေတာမသိပဲ စာတွေဖတ်နေလို့ပါ။ ခေါင်းကိုက်၊နောက်စေ့ကိုက်ရင် မျက်စိပါဝါစစ်သင့်ပါတယ်။ လိုအပ်ရင်တော့ မျက်မှန်တပ်ပါ။ တချို့ပါဝါများပေမယ့် မြင်နေရတာမျိုးလည်း ရှိသေးတယ်။ မျက်ကပ်မှန်တပ်တာတော့ အားမပေးချင်ဘူး။ အလုပ်ရှုပ်သလို မျက်စဉ်းခပ်ရတာ၊ မှန်ဘီလူးဆေးရ၊ဖြုတ်ရတပ်ရခက်လွန်းလို့ပါ။ သိပ်များလာရင် လေဆာနဲ့ ပါဝါကို လျှော့ပစ်နိုင်တယ်။ လောလောဆယ်တော့ ပါဝါကျဖို့သိပ္ပံနည်းကျလက်ခံထားတာ ဒီတနည်းပဲ ရှိပါတယ်။ လေဆာပစ်ရင် သတ်မှတ်ထားတဲ့ပါဝါတော့ ရှိတယ်။အကောင်းဆုံးက မျက်စိဆရာဝန်နဲ့ သေချာပြပြီး အကြံဥာဏ် တောင်းပါ။ လောလောဆယ်တော့ ဒီလောက်ပဲအကြံပေးနိုင်ပါမယ်။ အဲဒီအတွက် ခွင့်လွှတ်ပါ။

ဒေါက်တာ အေးမင်းထူး

၁၂.၈.၁၃

အကြောင်းပြန်ပေးတဲ့အတွက် ကျေးဇူးပါဆရာ။ဘာပဲပြောပြောကျွန်တော်အတွက် အကျိုးရှိပါတယ်။နောက်ခြောက်လနေရင်ပါဝါတခါထပ်စစ်ပါမယ်။ မျက်စိအားဆေးတော့ ဆရာဝန်ပြောတဲ့အတိုင်းနေ့စဉ် သောက်နေပါတယ်။ နောက်တခါထပ်စစ်ရင်ဆရာ့စီအကြောင်းပြန်ပါမယ်။ဖြေကြားပေးတဲ့အတွက်ကျေးဇူးတင်ပါတယ်ဆရာ။

ကျေးဇူးတင်စွာဖြင့်

_