Primolut N ရာသီသွေးကို ဆေးနဲ့ထိန်းခြင်း

ဆရာ ကျမသူငယ်ချင်းတယောက်က ရာသီသွေးကို သောက်ဆေးနဲ့ ထိန်းလို့ရတယ်လို့ ပြောပါတယ်။ အဲဒါဟုတ်ပါသလား။ အကယ်၍ အဲလိုလုပ်ရင် ဘေးထွက်ဆိုးကျိုး ရှိနိုင်ပါသလား။ ဘာတွေဆက်ဖြစ်နိုင်ပါသလဲ။ သားသမီးမရတာမျိုးတွေကော ဖြစ်လာနိုင်ပါ သလား။ ကျေးဇူးပြုပြီး ရှင်းပြပေးစေချင်ပါတယ် ဆရာ။

ရာသီသွေးကို ဟော်မုန်းဆေးတွေနဲ့ ထိန်းချုပ်လို့ရပါတယ်။ ဘာ့ကြောင့်လဲဆိုတော့ ရာသီသွေးပေါ်တယ်ဆိုတာလည်း ဟော်မုန်းတန်ခိုးကြောင့် ဖြစ်လို့ပါပဲ။ တခါတရံ ရာသီသွေးမပေါ်အောင် လုပ်ရတဲ့အခါမျိုးရှိတယ်။ ဒီလိုအခါမျိုးမှာ ဆေးနဲ့ 

ရက်ရွေ့ပေးနိုင်တယ်။ ဥပမာ ခရီးရက်ရှည်သွားရတာမျိုး၊မင်္ဂလာဆောင်တဲ့အခါမျိုးမှာ
ရာသီသွေး ပေါ်မလာအောင် ပြုလုပ်ပေးရတတ်တယ်။ ဆေးခန်းမှာ ဒီလိုလူနာတွေ ရှိတယ်။

နိုင်ငံခြားသွားရမှာမို့၊လေယာဉ်အကြာကြီးစီးရမှာမို့ ဆိုသူတွေကို ရာသီသွေးအချိန် ပြောင်းပေးဖို့ ဆရာဝန်လုပ်သူက ကူညီပေးရတယ်။ သွားမယ့်ရက်ကို သေချာမေးပြီး ခရီးသွားရမယ့် ကြာချိန်တွေပါထည့်တွက်ပြီး တလစာလောက် planချပြီး တွက်ချက်ပြုပြင်ပေးတယ်။ မင်္ဂလာဆောင်ကာနီး ဇနီးမောင်နှံအများစုက ရာသီရက်ရွှေ့ချင်ကြတယ်။ သူတို့အတွက် မင်္ဂလာဆောင်ပြီး ဟန်းနီးမွန်းခရီးထွက်ချိန်ပါ ထည့်တွက်ပေးရတယ်။ ဒါမှအဆင်ပြေမှာကိုး။

ရာသီသွေးပြောင်းတာမျိုးက သိပ်အခက်ကြီးလည်း မဟုတ်ပါဘူး။ ရာသီလာတဲ့ သဘောတရားကို ကောင်းကောင်းနားလည်ရင် ပြုပြင်ပေးလို့ရတယ်။ ဟော်မုန်းကြောင့် သွေးပေါ်တာဖြစ်လို့ သွေးထိန်းဖို့ ဒီဟော်မုန်းကိုပဲ ပြန်အသုံးချတယ်။ ရာသီပေါ်အောင်ပဲဖြစ်ဖြစ်၊ ထိန်သွားအောင်ပဲဖြစ်ဖြစ် သုံးတဲ့ဟော်မုန်းတွေ အကုန်လုံးက ဟော်မုန်းဆေးချည်းပဲ။ အများနားလည်လွယ်အောင် လိုရင်းကို အနှစ်ချုပ်ပြီး ပြောရရင် ရာသီလာတဲ့အချိန်ဟာ ဟော်မုန်းlevel ကျသွားလို့ဖြစ်တယ်။ ဒီတော့ ဟော်မုန်းlevelမကျအောင်လုပ်နိုင်ရင် ရာသီပေါ်တော့မှာ မဟုတ်ဘူး။ ဒီသဘောတရားကို ဒီနေရာမှာ သုံးရတယ်။ ရာသီပေါ်ချင်သလား။ ရတယ်။ ဟော်မုန်းပေးပြီး ဆေးပြန်ဖြတ်လိုက်ရင် ရာသီသွေးပြန်လာလိမ့်မယ်။

ရာသီပေါ်အောင် သုံးတဲ့ဆေးတွေထဲမှာ အသုံးများတဲ့ဆေးတခုက Primolut N ဖြစ်တယ်။ ဒီဆေးကို ရာသီပေါ်ဆေးလို့ပဲ သိကြတယ်။ Primolut Nထဲမှာ ပါဝင်တာက Norethisterone acetate 5mg ဆိုတဲ့ ဟော်မုန်းတမျိုးပါ။တကယ်ကတော့ ပရိုဂျက်စတီရုန်း(progesterone)ဆိုတဲ့ ဟော်မုန်းပါပဲ။ Norethisterone ပေးပြီး အချို့သာ ethanylestradiol အဖြစ်ပြောင်းပြီး သွေးကြောထဲရောက်တယ်။ တကယ်အာနိသင်ရှိတာက ethanylestradiolဖြစ်ပါတယ်။

Norethisterone 0.5mgကို နေ့စဉ်သောက်ရင် gonadotropin ထုတ်လုပ်ခြင်း နဲ့ မျိုးဥကျွေခြင်းကို တားဆီးပေးတယ်။ endometrium ပေါ်သက်ရောက်တဲ့ ပရိုဂျက်စတီရုန်းရဲ့ အာနိသင်ကြောင့် သွေးဆင်းများတဲ့ရောဂါတွေကို သက်သာစေတယ်။ ရာသီအတွက် ကောင်းတဲ့အချက်က မျိုးဥအိမ်ရဲ့လုပ်ဆောင်မှုကို တားဆီးပေးလို့ သွေးမပေါ်ခင်ခံစားရတဲ့ လက္ခဏာတွေကို လျှော့နည်းသက်သာစေတယ်။ ဒါပေမယ့် ကြာကြာပေးရင် မျိုးဥကြွေတာကို ထိခိုက်စေတယ်။ Primolut Nကို dysfunctional uterine bleeding(DUB)နဲ့ endometriosis ရောဂါတွေကုသဖို့ သုံးစွဲကြတယ်။

• dysfunctional uterine bleeding(DUB)

ရာသီသွေးမမှန်တဲ့၊များတဲ့ရောဂါဖြစ်ပါတယ်။ သွေးဆင်းများတဲ့အတွက် တနေ့သုံးကြိမ် ၁၀ရက်အပြည့် သောက်ပေးရတယ်။ ဆေးသောက်စမှာ ရာသီနည်းနည်းဆီ ပေါ်တာလည်း ရိ်ှတတ်တယ်။ အများစုဟာ ဆေးသောက်ပြီး သုံးရက်အတွင်း ရာသီသွေးဆင်းရပ်သွားကြတယ်။ ဘယ်လိုပဲဖြစ်ဖြစ် ဆေးကို ဆယ်ရက်ပြည့်အောင် ဆက်သောက်သင့်တယ်။ ဆေးဖြတ်ပြီး ၂-၃ရက်လောက်နေတဲ့အခါ ရာသီသွေးစဆင်းပါမယ်။ရောဂါပြန်မဖြစ်အောင် ရာသီစက်ဝန်း ၁၆ရက်မှ ၂၅ရက်ထိ တနေ့(၂)ကြိမ်ပေးပြီးကြိုတင်ကာကွယ်နိုင်တယ်။

• Endometriosis

ရာသီစက်ဝန်း ပထမ(၅)ရက်အတွင်း စပေးသင့်တယ်။ တခါသောက် တလုံး မနက်တကြိမ်၊ညတကြိမ် တနေ့(၂)ကြိမ် စပေးပါ။ ကြားရက်တွေမှာ ရာသီသွေးတစက်စက်ဆင်းရင် တခါသောက်(၂)လုံး တရက်(၂)ကြိမ် တင်ပါ။ သွေးဆင်းရပ်သွားရင် ပုံမှန်အတိုင်း ပြန်လျော့နိုင်တယ်။ဆေးကို အနည်းဆုံး ၄-၆လထိ ဆက်ပေးသင့်တယ်။ ဒီကြားထဲမှာ မျိုးဥမကြွေတာ၊ရာသီသွေးမပေါ်တာ ရှိတတ်တယ်။ စိုးရိမ်ဖို့မလိုအပ်ပါ။ ဆေးရပ်တဲ့အခါ ရာသီသွေးပြန်ဆင်းလာနိုင်တယ်။

သတိပြုစရာ

Primolut Nကို ကိုယ်ဝန်ဆောင်မိခင်နဲ့ နို့တိုကိမိခင်တွေ မသုံးစွဲသင့်ဘူး။ ဆေးသောက်ပြီး ခေါင်းတခြမ်းကိုက်တာ၊အမြင်အာရုံ၊အကြားအာရုံဝေဝါးလာတာမျိုးရှိရင် ချက်ချင်းဖြတ်ပါ။ သွေးပြန်ကြောရောဂါ၊ သွေးပြန်ကြောပိတ်တဲ့လက္ခဏာတွေမှာ မသုံးရပါဘူး။ အသည်းကို ထိခိုက်စေသလို အသည်းရောင်တာ၊အသည်းကြီးတာရှိရင် မသုံးသင့်ဘူး။ ဆေးသောက်စဉ် သွေးစစ်ကြည့်ရင် အသည်းဆိုင်ရာ အင်ဇိုင်းတမျိုး တက်နေတတ်တယ်။ အကယ်၍ အရေပြားယားယံလာတာ၊သွေးပေါင်တက်တာမျိုးရှိရင် ဆရာဝန်ကို ပြောရမယ်။ လိုအပ်ရင် ဆေးဖြတ်ခိုင်းတယ်။

တွဲမသောက်သင့်တဲ့ဆေးတွေလည်း ရှိတယ်။ ကိုယ်တိုင်အာနိသင်ကျတာ၊ဆေးအနိသင်ကို ထိခိုက်စေတာ၊ဟော်မုန်းပြောင်းလဲတာ ရှိနိုင်လို့ပါ။ တွဲမသောက်သင့်တဲ့ဆေးတွေက

-phenytoin

-barbiturate 

-carbamazepine

-oxcarbamazine

-primidone

-Rifampicin 

-rifabutin

-St. John's wart စတာတွေ ဖြစ်တယ်။

ဆေးသောက်တိုင်း အခါခပ်သိမ်း ရာသီသွေးကို မတားဆီးနိုင်ဘူး။ ဆေးသောက်ပြီး သွေးမတိပ်ပဲ များနေတာ organic lesion တခုခုကြောင့် ဖြစ်နိုင်တယ်။

အသားပို၊အလုံးအကျိတ်၊ကင်ဆာ၊ကိုယ်ဝန်ပျက်တာ၊သားအိမ်ပြင်ပသန္ဓေတည်တာ၊သွေးရောဂါ အမျိုးမျိုး ဖြစ်တယ်။ ဆရာဝန်လုပ်သူက အချိန်ပေးပြီး ပြန်ကြည့်ရတယ်။ 

ဟော်မုန်းဆေးတိုင်း သတိထားစရာတွေရှိတယ်။ တချို့သောက်နေသလို ပရမ်းပတာသောက်တာ အလွန်မှားတယ်။ နားမလည်ပဲသောက်မိရင် ဟော်မုန်းပြောင်းပြီး ရာသီသွေး ကမောက်ကမဖြစ်တတ်တယ်။ စောစောက မေးထားသလို သားသမီးမရတာမျိုး တိုက်ရိုက်မဖြစ်စေပေမယ့် မျိုးဥကျွေတဲ့ဖြစ်စဉ်ကို ထိခိုက်တာကြောင့် သားသမီးရဖို့ ခက်တတ်တယ်။ အကယ်၍ ရောဂါအခံတခုရှိတာ မသိပဲသောက်မိရင် အသက်အန္တရာယ်တောင် စိုးရိမ်ရတယ်။ ဒီလိုအခါမျိုးမှာ ဆရာလုပ်သူက တခြားနည်းတခုခု ပြောင်းသုံးပြီး ထိန်းချုပ်ပေးရတယ်။

ဒေါက်တာ အေးမင်းထူး

၁၂.၄.၁၄